"ПСЖ" бош мураббийи Кристоф Галтье ярим ҳимоячи Марко Верратти билан шартнома узайтирилгани ҳақида фикр билдирди.
“Верратти билан тузилган янги шартномадан мамнун. 10 йил давомида менинг жамоаларим унга қарши ўйнашди, унинг ўйинини томоша қилиш ҳар доим роҳат бағишлар эди, лекин уни тўхтатишга уриниш қийин эди. У ҳам бу клубга содиқлигини кўрсатаётганидан жуда хурсандман. Балки ҳозир у италияликдан кўра парижликдир. Бу клуб учун жуда яхши.
Мен Марко билан кўп йиллар бирга ишлай олишимдан жуда хурсандман, чунки у ўз позициясида дунёнинг энг яхши футболчиларидан бири", - дея Кристоф Галтьенинг сўзларини келтиради клуб расмий сайти.
