«Челси» ўз ярим ҳимоячилари Жоржиньо ва Н'Голо Кантенинг келажаги борасида бир қарорга келди.
«The Times» нашрига маълум бўлишича, «аристократлар» раҳбариятининг ушбу футболчилар билан янги шартнома имзолаши кутилмоқда. Лондонликлар келаси ёзда уларни текинга қўйиб юборишни хоҳламайдилар.
Эслатиб ўтамиз, ушбу футболчиларнинг амалдаги шартномаси келаси йилнинг ўрталаригача ҳисобланган. Канте жорий мавсум Премьер-лигада атиги иккита ўйинда майдонга тушди. Ярим ҳимоячи жароҳати туфайли мавсумнинг кўп қисмини ўтказиб юборди.
Жоржиньо эса барча мусобақалар доирасида 20 та ўйинда майдонга тушиб, 3 та гол урган.
