«Chelsi» o‘z yarim himoyachilari Jorjinyo va N'Golo Kantening kelajagi borasida bir qarorga keldi.

«The Times» nashriga ma’lum bo‘lishicha, «aristokratlar» rahbariyatining ushbu futbolchilar bilan yangi shartnoma imzolashi kutilmoqda. Londonliklar kelasi yozda ularni tekinga qo‘yib yuborishni xohlamaydilar.

Eslatib o‘tamiz, ushbu futbolchilarning amaldagi shartnomasi kelasi yilning o‘rtalarigacha hisoblangan. Kante joriy mavsum Premyer-ligada atigi ikkita o‘yinda maydonga tushdi. Yarim himoyachi jarohati tufayli mavsumning ko‘p qismini o‘tkazib yubordi.

Jorjinyo esa barcha musobaqalar doirasida 20 ta o‘yinda maydonga tushib, 3 ta gol urgan.