"ПСЖ" ҳужумчиси Килиан Мбаппе Journal du Dimanche томонидан ўтказилган сўровномада 2022 йилда энг машҳур французлар орасида тўртинчи ўринни эгаллади.
24 ёшли футболчи овоз беришда қўшиқчи Жан-Жак Голдман, астронавт Томас Песке ва актёр Омар Сига ютқазди. Мбаппедан ташқари, ҳужумчилар Оливье Жиру (“Милан”) тўққизинчи, Антуан Гризманн (“Атлетико Мадрид”) 11-ўрин ва дарвозабон Уго Льорис (“Тоттенхэм”) ҳам энг машҳур француз футболчилари 50талигига кирди.
Рўйхатда Франция терма жамоаси бош мураббийи Дидье Дешам ҳам бор эди. Овоз беришда мураббий 23-ўринни эгаллади.
Франция терма жамоаси Қатарда бўлиб ўтган жаҳон чемпионати финалига қадар етиб бориб, Аргентинага мағлуб бўлган эди.