"Реал" ҳужумчиси Криштиану Роналду жамоасининг ушбу мавсумдаги мақсад ва вазифалари тўғрисида гап кетганда шошилмасликни маъқул кўрди, дея хабар беради испан матбуоти.
Шу билан бирга, португалиялик футболчи ўз клубдоши Каканинг келажаги тўғрисида ҳам фикр билдирди.
"Биз мавсумга тайёрланишда давом этяпмиз. Клубимизнинг чемпионлар лигасида ўнинчи марта ғолиб чиқиши ҳақида гапиришга эрта, аммо биз шу йўлдамиз. Айни пайтда жамоамиз Испания чемпионатида омадли старт олиш учун ҳаракат қилмоқда.
Какага келсак, мен уни жамоамизда қолишини истайман. Энг яхши футболчилар "Реал"да ўйнашлари керак. Қарорни унинг ўзи қабул қилиши керак, аммо ўйлашимча, у бошқа клубга ўтмаса керак", - дейди Роналду.
