Туриннинг "Ювентус" клуби бош мураббийи Антонио Конте келишилган ўйинларга алоқадорликда айбдор деб топилди ва 10 ойга футболдан четлатилди. Келишилган ўйинлардаги иштирокида гумон қилинган "Ювентус"нинг икки футболчиси, Леонардо Бонуччи ҳамда Симоне Пепелар эса айбсиз деб топилган.
Италия футбол федерацияиси тартиб-интизом қўмитаси Контени 2010/11 йилги мавсумда "Сиена" бош мураббийи бўлиб ишлаган пайтида, келишилган ўйинлар борасида хабардор бўлгани ва ўз вақтида бу ҳақда ҳеч кимни огоҳлантирмагани учун айбдор деб топилган.
Контега "Сиена"да ёрдамчилик қилган мураббийи Анджело Аллессио ҳам 8 ойга четлатилган.
Бундан бироз вақт муқаддам 3 ойга дисквалификация қилинган "Ювентус" бош мураббийи Италия прокуратураси томонидан янада кўпроқ муддатга дисквалификация қилинди. Мамлакат футбол федерацияси тартиб интизом қўмитаси Прокурорларнинг ҳулосасига кўра мураббийни айбдор деб топишдан ўзга чораси қолмади.
Симоне Пепе ва Леонардо Бонуччиларга қўйилган айбловлар эса ўз исботини томпаган ва улар оқланган.
