"Боруссия Мёнхенгладбах" ҳужумчиси Маркус Тюрамга "Манчестер Юнайтед" қизиқиш билдирмоқда, деб хабар беради Daily Mail.
Ёзда французнинг клуб билан шартномаси тугайди, у эркин агентга айланиши мумкин. Манкунианликлар вазиятни кузатиб боришмоқда ва футболчини ҳужумни кучайтириш вариантларидан бири деб ҳисоблашмоқда.
25 ёшли Тюрамга "Милан", "Ювентус" ва "Бавария" ҳам қизиқиш билдирмоқда.
"Боруссия" клуби Тюрам трансферидан маблағ олиш учун футболчини қишда сотишга тайёр. Шу билан бирга, 'Манчестер Юнайтед" январда уни фақат ижарага олиши мумкин.
