Марокаш ва "Фиорентина" терма жамоаси ярим ҳимоячиси Софьян Амрабат Англия Премьер-лигасига ўтиши мумкин. 26 ёшли африкалик футболчига "Ливерпуль" қизиқиш билдирмоқда.
El Nacional нашрининг ёзишича, Амрабат билан шартнома имзолаш ташаббускори "мерсисайдликлар" бош мураббийи Юрген Клоппдир. Немис мутахассиси Софьянни Дортмунднинг "Боруссия" клуби футболчиси Жуде Беллингемга муқобил вариант сифатида кўрмоқда.
Амрабатнинг потенциал трансфери 40 миллион еврога баҳоланмоқда, Беллингем учун эса камида 100 миллион сўралмоқда.
Жорий мавсумда марокашлик футболчи "бинафшаранглилар" сафида 20 та ўйин ўтказиб, гол ура олмади. Унинг шартномаси 2024 йилгача мўлжалланган.
