Менхенгладбахнинг "Боруссия" клуби дарвозабони Янн Зоммер фаолиятини давом эттириш учун энг кўп маъқул келадиган вариантга қарор қилди.
Süddeutsche Zeitung нашри хабарига кўра, швейцариялик футболчи мавсум охиригача жароҳат олган Мануэль Нойер ўрнига "Бавария"га ўтмоқчи.
Зоммер "Боруссия" раҳбариятидан уни қишда қўйиб юборишни сўради. Клуб ўз ўйинчисининг илтимосини қондиришга тайёр, фақат "Бавария" 34 ёшли дарвозабон учун товон пули тўлашга рози бўлган тақдирдагина. Талабга кўра, бу товон пули 5 миллион евро.
Эслатиб ўтамиз, Зоммернинг "Боруссия" билан шартномаси мавсум охирида тугайди.
