1986 йилги жаҳон чемпионатида Диего Марадона билан ғолиб чиққан аргентиналик собиқ футболчи Педро Паскулли яқинда якунланган жаҳон чемпионати ҳақидаги фикрлари билан ўртоқлашди.
"Жуда хурсандман, 36 йилдан сўнг жаҳон чемпионатида ғалаба қозондик. Эслатиб ўтмоқчиманки, менинг голим бўлмаганида чемпион бўлмасдик (Паскулли ўша чемпионатнинг 1/8 финалида Уругвай дарвозасига урган голини назарда тутмоқда – таҳр.). Марадона билан Мессини солиштириш? Бу бефойда. Бугун Месси футболда биринчи рақамда. Диего эса футбол даҳоси", - деди Паскулли ITASportPress билан суҳбатда.
