Италия чемпиони “Милан”да дарвозабон муаммоси бор, франциялик посбон Майк Меньян жароҳат олиб, узоқ муддатга сафдан чиқди, Стефано Пиоли эса Чиприан Татарушанага таяниб қолди. Ҳозирча Пиоли унинг ўйинидан қониқмоқда ва руминиялик дарвозабонга ишонмоқда.
"Эртага Татарушану ўйнайди, мен унга ишонаман, у тажрибали, яхши ўйнади ва яхши ўйнашига ишонаман", - деди Стефано Пиоли pianetamilan.it билан суҳбатда.
Эслатиб ўтамиз, чоршанба куни "Милан" Италия чемпионатидаги ўйинларини давом эттиради, А Сериянинг 16-турида Пиоли шогирдлари "Салернитана" билан жанг қилади.
