Кеча Муборак шаҳридаги “Б.Вафоев” номли стадионда бўлиб ўтган “Машъал” - “Шўртан” жамоалари ўртасидаги баҳсда (1:3) иккинчи даврада жамоага таклиф этилган Фарҳод Тожиев ўзининг “Шўртан” жамоаси таркибидаги голлари сонини очди.

“Шўртан” таркибидаги дастлабки голидан сўнг, Фарҳод Тожиевнинг суҳбатга тутдик:

“Янги жамоам таркибида аввалги ўйинда ҳам гол уришни роса ҳоҳлагандим, лекин омад юз ўгириб, “Шўртан”даги дебют учрашувимда гол ура олмагандим. “Машъал” жамоаси билан қийин учрашув бўлишини аввалдан билардик, чунки “дерби”да жамоаларнинг эгаллаб турган ўрнидан қатъий назар, футболчилар алоҳида тайёргарлик кўришади. Бизда аҳил ва иноқ жамоа жамланган. Қолаверса, таркибимизда кучли футболчилар етарлича. Ўйлашимча, “Машъал” жамоасини ҳар томонлама мағлуб эта олдик, демоқчиманки, омад ёки мўъжиза туфайли эмас, меҳнатимиз эвазига кечаги чиройли ғалабамизни қўлга киритдик”-дейди, Фарҳод Тожиев.

Эслатиб ўтамиз, давралар оралиғида “Шўртан” клуби “Пахтакор”дан Фарҳод Тожиевнинг трансферини сотиб олган ва футболчи янги жамоаси билан бир ярим йиллик шартнома имзолаган.