Карим Бензема Францияда 2022 йилнинг энг яхши спортчиси деб топилди.

24 ноябрдан 31 декабрга қадар спорт журналистлари UJSF мукофоти доирасида 2022 йилнинг энг яхши француз спортчиларини танладилар. Мукофот биринчи марта ўтказилиб, овоз беришда Франция спорт журналистлари уюшмасининг 3000 нафар аъзоси иштирок этди.

Эркаклар ўртасида Карим Бензема йилнинг энг яхши спортчиси сифатида эътироф этилди, у "Реал" билан Ла Лига ва Чемпионлар Лигасида ғолиб чиқди ва 2022 йилда "Олтин тўп" соҳибига айланди. Иккинчи ўринни “ПСЖ” ва Франция терма жамоаси ҳужумчиси Килиан Мбаппе эгаллади.

Аёллар ўртасида биринчи ўринни теннисчи Каролина Гарсия, иккинчи ўринни велосипедчи Паулин Ферран-Прево эгаллади.