Дортмунднинг “Боруссия” клуби Жуд Беллингемга ўринбосар топди.
Sky Sports журналисти Флориан Плеттенбергнинг хабар беришича, Дортмунд клуби "Аякс" ярим ҳимоячиси Муҳаммад Кудусга қизиқиш билдирмоқда. Немислар ёзги трансфер ойнасида Жуд Беллингемни сотишдан тушган маблағнинг бир қисмини унинг трансферига сарфламоқчи.
Томонлар аллақачон норасмий музокаралар олиб боришган, бироқ масалага ҳозирча аниқлик киритилмаган.
Ганалик футболчига "Арсенал", "Ньюкасл" ва бошқа клублар ҳам қизиқиш билдирмоқда.
Нидерландия чемпионатининг жорий мавсумида Кудус 14 та ўйин ўтказиб, 5 та гол урган.
