"ПСЖ" ҳужумчиси Лионель Месси ЖЧ-2022дан кейин жамоага қайтиши ҳақида фикр билдирди. 4 январь куни уни машғулотда жамоадошлари чемпионлик коридори билан кутиб олишди.
“Жамоадошларимга ва клубдаги барча одамларга мени қабул қилганликлари учун катта раҳмат. Мен қайтиб келдим ва энди "ПСЖ" билан бу мавсумдаги мақсадларимга эришишда давом этишни интиқлик билан кутаман”, деб ёзди Месси ижтимоий тармоқда.
35 ёшли аргентиналик футболчи Аргентина терма жамоаси билан ЖЧ-2022да ғолиб чиқди ва финалда Францияни 3:3, пенальтилар сериясида 4:2 ҳисобида мағлуб этди.
