Италия чемпионатининг ўн олтинчи туридан ўрин олган марказий ўйинда «Интер» «Наполи» билан куч синашди.
Неаполликлар мавсумдаги илк мағлубиятини қабул қилиб олди. Босниялик ҳужумчи Эдин Жеко учрашувдаги ягона голга муаллифлик қилди. У учрашув ҳақида фикр билдирди.
«Шубҳасиз, уч очко учун ўйин бўлди, биз «Наполи» жуда кучли футбол кўрсатганини тушунамиз, аммо уларга кўп нарса бажаришга имкон бермадик.
Биз ғалаба қозонишга ҳақли эдик. Қаттиқ ишлашда давом этаман, ортиқча ҳеч нарса бўлиши мумкин эмас. Мен 36 ёшдаман, лекин истакларим тўла», - деди Жеко.
