Italiya chempionatining o‘n oltinchi turidan o‘rin olgan markaziy o‘yinda «Inter» «Napoli» bilan kuch sinashdi.
Neapolliklar mavsumdagi ilk mag‘lubiyatini qabul qilib oldi. Bosniyalik hujumchi Edin Jeko uchrashuvdagi yagona golga mualliflik qildi. U uchrashuv haqida fikr bildirdi.
«Shubhasiz, uch ochko uchun o‘yin bo‘ldi, biz «Napoli» juda kuchli futbol ko‘rsatganini tushunamiz, ammo ularga ko‘p narsa bajarishga imkon bermadik.
Biz g‘alaba qozonishga haqli edik. Qattiq ishlashda davom etaman, ortiqcha hech narsa bo‘lishi mumkin emas. Men 36 yoshdaman, lekin istaklarim to‘la», - dedi Jeko.
