De Telegraaf хабарига кўра, нидерландиялик ҳимоячи Дейли Блинд "Бавария"га ўтади.
Манбанинг хабарига кўра, 32 ёшли футболчи Мюнхен клуби билан шартнома имзолаш учун Германияга учиб кетган, шартнома муддатини узайтириш имконияти билан мавсум охиригача ҳисобланади. Шунингдек, Блинд тиббий кўрикдан ўтиши қайд этилган.
Нидерландиялик ҳимоячи Қатарда бўлиб ўтган ЖЧ-2022да жароҳат олган "Бавария" ҳимоячиси Лукас Эрнандесга ўринбосар бўлиши мумкин.
Декабрь ойи охирида Блинд 2018 йилдан бери ўйнаб келаётган "Аякс" билан шартномани бекор қилганди. Жорий мавсумда футболчи нидерландияликлар сафида барча турнирлар доирасида 19 та ўйинда майдонга тушиб, 2 та голли узатмани амалга оширди.
