IFFHS (Халқаро футбол статистикаси ва тарихи федерацияси) ўтган йилнинг энг яхши дарвозабонлари номини эълон қилди. Рейтингда биринчи ўринни Бельгия терма жамоаси ва Мадриднинг «Реал» клуби дарвозабони Тибо Куртуа эгаллади.
Иккинчи ўриндан Аргентина ва «Астон Вилла» посбони Эмилиано Мартинес жой олди. Топ учликни Ясин Буну (Марокаш терма жамоаси, «Севилья») якунлади.
Кучли ўнталикка шунингдек: Доминик Ливакович, Уго Льорис, Войцех Шенсни, Ян Облак, Алиссон Беккер, Жордан Пикфорд ва Майк Меньян кирди.
Жорий мавсумда Куртуа Испания чемпионатининг 11та ўйинида қатнашиб, ўз дарвозасидан 12та гол ўтказиб юборди ва учта ўйинда дарвозаси дахлсизлигини сақлаб қолган.
