Португалия терма жамоаси ва Лиссабоннинг «Бенфика» жамоаси ҳужумчиси Гонсалу Рамуш машҳур агент Хорхе Мендешнинг мижозига айланди. Бу ҳақда AS журналистлари хабар бермоқда.
Эслатиб ўтамиз, бир кун аввал Мендеш бошқа бир португалиялик – «Ан-Наср» ҳужумчиси Криштиану Роналду билан ҳамкорликни тўхтатган эди. 37 ёшли футболчи Европада унга клуб топа олмагани учун агенти билан хайрлашишга қарор қилди.
Рамуш жорий мавсум Португалия МТЖда 12 та ўйинда майдонга тушиб, 9 та гол ва 1 та голли узатмага муаллифлик қилган.
Гонсалунинг «бургутлар» билан тузган шартномаси 2026 йилнинг ўрталарига қадар амал қилади. Трансфермаркт унинг нархини 30 миллион еврога баҳоламоқда.
