"Тоттенхэм" бош мураббийи Антонио Конте ҳужумчи Харри Кейн ҳақида фикр билдирди.
"Харри Кейн - жаҳон даражасидаги ҳужумчи. У гол уриш бўйича барча рекордларни янгиламоқчи. Ҳатто қийин дамларда ҳам Харри жанг қилишга тайёр, жамоадошларига ёрдам беришга тайёр, вазиятни гол ёки голли узатма билан ҳал қилишга тайёр эканини биламиз. У ҳам ижобий, ҳам салбий ҳолатларга тўғри жавоб бериб, худди шу руҳда давом этиши керак", - деди Конте журналистларга.
Харри Кейн аввалроқ Англия терма жамоаси сафида гол уриш борасида Уэйн Рунига етиб олганди. Шунингдек, у барча мусобақаларда "Тоттенхэм"нинг голлар рекордини янгилашга яқин турибди. Кейн Жимми Гривздан атиги икки гол ортда қолмоқда(264:266).
