Тони Адамснинг фикрича, Букайо Сака Лионель Мессидан қолишмайди.

"Менимча, Сака мавсумнинг энг яхши футболчиси. У шунчаки ажойиб. ЖЧ вақтида уни майдондан олгани учун Гарет Саутгейтга бироз танбеҳ бердим.

Сака Мессидан ёмон эмас. Месси фаолиятини якунлаш арафасида эканлиги аниқ.

Сака Евро финалида пенальтини амалга ошира олмаса ҳам руҳан тушкунликка тушмаслигига шубҳа қилмасак ҳам бўлади. Ҳар сафар уни майдонда кўрганимда вазиятлар яратиб, гол уради.

У феноменал ўйинчи, Англиянинг энг яхши ўйинчиси ва “Арсенал”нинг энг яхши ўйинчиси” - деди собиқ “канонирлар” сардори Seaman Says подкастида.

21 ёшли футболчи жорий мавсумда “Арсенал” сафида 23 ўйинда майдонга тушиб, 7 та гол урди ва 6 та голли узатмани амалга оширди.