"Барселона" президенти Жоан Лапорта ҳозирда "Манчестер Сити" шарафини ҳимоя қилаётган Бернарду Сильва ва Эрлинг Холандни сотиб олиш имкониятлари ҳақида фикр билдирди.
“Албатта, биз Бернарду Сильва учун 80 миллион евро тўламаймиз. Холанд? Келинг, унинг "Манчестер Сити"даги ишлари қандай кетаётганини кўрамиз. Ҳозир бизда Роберт Левандовски яхши ўйнаяпти" - деди Лапорта Cadena SER билан суҳбатда.
Жоан Лапорта "Барселона" январь ойида трансфер бозорида фаол бўлиш ниятида эмаслигини айтди. Шу билан бирга, Каталония клуби президенти “кутилмаган имконият” юзага келганда қандайдир шартнома имзолашга рухсат берди.
