"Манчестер Сити" бош мураббийи Хосеп Гвардиола Англия чемпионатининг 19-туридан ўрин олган "Челси"га (1:0) қарши ўйиндаги ўйинчи алмаштириши ҳақида гапирди. Ушбу учрашувдаги ғалаба голини 63-дақиқада уч дақиқа олдин захирадан майдонга тушган Риёд Махрез киритди.
"Мен даҳоман", - дея Гвардиоланинг сўзларидан иқтибос келтиради журналист Мигель Делани ўз твиттерида.
"Манчестер Сити" ҳозирда 39 очко билан турнир жадвалида иккинчи ўринда бормоқда. Жамоа пешқадам “Арсенал”дан 5 очко ортда қолмоқда. "Челси" 25 очко билан АПЛ турнир жадвалида 10-ўринда бормоқда.
Кейинги турда “Манчестер Сити” “Манчестер Юнайтед” билан, “Челси” эса “Фулхэм” билан ўйнайди. Учрашувлар мос равишда 14 ва 12 январь кунлари бўлиб ўтади.
