"Манчестер Юнайтед" бош мураббийи Эрик тен Хаг жорий мавсумдаги чемпионлик учун кураш ҳақида гапирди.
"Ҳозир бу ҳақда ўйламайман. Турнирнинг ушбу босқичида бу нарсага эътибор қаратиш керак эмас. Олдинда бизни ҳали узоқ мавсум кутмоқда, бизни ҳали кўп ўйинлар кутиб турибди. Агар сиз жуда узоққа қарасангиз, сиз жуда чалғиб кетасиз ва бу зарарли бўлиши мумкин. Сиз ўз ўйинингизга ва жамоангизни ривожлантиришга эътибор қаратишингиз керак" - деди тен Хаг Sky Sports билан суҳбатда.
Ўтказилган 17 учрашувдан кейин "қизил иблислар" 35 очко билан турнир жадвалида тўртинчи ўринда бормоқда. "Манкунианликлар" пешқадам “Арсенал”дан 9 очко ортда қолмоқда.
