"Сампдория" ҳимоячиси Бартош Берешиньски Италиянинг бошқа клубига ўтишга яқин турибди. Фабрицио Романонинг сўзларига кўра, "Наполи" 30 ёшли польшалик футболчининг янги клубига айланади.
Берешиньски бугун, 6 январь куни тиббий кўрикдан ўтади ва шундан сўнг у неаполликлар билан шартнома имзолайди.
Бартошнинг трансфер нархи уч миллион еврога баҳоланмоқда ва унинг "Сампдория" билан шартномаси 2025 йилнинг ўрталарига қадар амал қилади.
2022/2023 йилги мавсумда ҳимоячи Италия чемпионатининг 15 та учрашувида қатнашиб, битта сариқ карточка олди.
