Матбуот Неймарнинг "ПСЖ"ни тарк этишини фаол муҳокама қилмоқда.
Аввалроқ, Лига 1 пешқадами бразилиялик футболчини ёзги трансфер ойнасида сотишга тайёр бўлиши ҳақида маълумотлар пайдо бўлганди. Кейинроқ парижликлар Неймарни 100 миллион еврога сотиш ниятида эканлиги ҳақида хабар тарқалганди.
Энди Fichajes нашри "ПСЖ" ўз талабларини пасайтирганини хабар қилмоқда. Франция чемпиони 50-60 миллион евро эвазига Неймар билан хайрлашишга тайёр бўлади. "ПСЖ" учун трансферда имкон қадар кўп пул ишлаб олиш эмас, балки улар учун маошларни камайтириш муҳим.
Қайд этилишича, Англиянинг бир нечта клублари Неймарни қўлга киритишга уриниб кўришлари мумкин, булар "Ньюкасл", "Челси" ва "Манчестер Сити".
