"Манчестер Сити" ярим ҳимоячиси Бернарду Силва "Бенфика"га қайтиши мумкинлиги ҳақида гапирди.
“Агар масала “Бенфика”га ўтиб, фаолиятимни якунлаш бўлса, мен у ерга бормасликни афзал кўраман. Қайтганимда "Бенфика"га ёрдам бермоқчиман, шунинг учун ўзимни тайёр ҳис қилишим керак. Менинг позициямдаги футболчилар камида 36 ёшга тўлгунларича энг юқори савияда ўйнашади. Модрич 37 ёшда ва у Чемпионлар лигасида ғолиб чиқди, жаҳон чемпионатининг ярим финалида ўйнади... Мен ёзда 29 ёшга тўламан.
"Бенфика"га қайтишга келсак, ҳаммаси ёзда нима бўлишига боғлиқ", - деди Силва португалиянинг Record нашрига.
Аввалроқ Бернарду Силва ўзини янги лойиҳада синаб кўриш нияти ҳақида гапирганди.
