6 январдан 7 январга ўтар кечаси Манчестер шаҳридаги "Олд Траффорд" стадионида Англия кубогининг учинчи босқич учрашуви бўлиб ўтди. "Манчестер Юнайтед" унда "Эвертон"ни қабул қилди. Баҳс манкунианликларнинг 3:1 ҳисобидаги ғалабаси билан якунланди.
“Қизил иблислар”нинг голларидан бирига Маркус Рэшфорд муаллифлик қилди. Унинг учун бу "Олд Траффорд"даги кетма-кет еттинчи учрашувдаги гол бўлди.
Шу тариқа Решфорд 2012 йилнинг февраль-апрель ойларида Уэйн Рунидан кейин барча мусобақаларда кетма-кет еттита уй ўйинида гол урган илк “Манчестер Юнайтед” футболчисига айланди.
25 ёшли футболчи жорий мавсумда “Манчестер Юнайтед” сафида барча турнирлар доирасида 24 та ўйинда майдонга тушиб, 13 та гол урди ва 6 та голли узатмани амалга оширди.
