"Манчестер Юнайтед" ҳужумчиси Маркус Рэшфорд инглиз клубидаги бир қатор муваффақиятли ўйинлар ҳақида фикр билдирди.
"Эҳтимол, ҳозир фаолиятимдаги энг яхши ўйинимни кўрсатаётгандирман. Майдонда ўзимни ажойиб ҳис қиляпман, тўғри позицияни танлайман ва гол уриш учун эркин зоналардан фойдаланаман. Вазият яратишда давом этсам, гол уришда давом этаётгандек ҳис этаман", - деди Маркус Рэшфорд Goal нашрига.
Эслатиб ўтамиз, "қизил иблислар" сафида сўнгги 5 та ўйинда англиялик ҳужумчи 5 та гол уриб, 2 та голли узатмани амалга оширди.
"Эвертон"га қарши кечган ва "Манчестер Юнайтед" фойдасига 3:1 ҳисобида якунланган сўнгги ўйинда Маркус гол+пас тизимида 2 (1+1) очко ишлаб олди.
