Англия терма жамоаси ва “Эвертон” дарвозабони Жордан Пикфорд Премьер-лиганинг икки топ-клуби томонидан нишонга олинган.
Журналист Николо Шкиранинг хабар беришича, 28 ёшли футболчининг хизматларига “Тоттенхэм” ва “Манчестер Юнайтед” клублари қизиқиш билдирмоқда. Иккала клуб ҳам дарвозабонни ёзги трансфер ойнасида сотиб олишни режалаштирмоқда.
Пикфорднинг амалдаги меҳнат шартномаси 2024 йилнинг ёзида тугайди. Унинг трансфер нархи 28 миллион евро.
Жорий мавсумда Жордан Англия Премьер-лигасида 17 та ўйинда майдонга тушиб, 24 та гол ўтказиб юборган.