"Арсенал" Мадриднинг "Атлетико" клуби ҳужумчиси Жоау Феликсни ижарага олмоқчи. Бу ҳақда Daily Mail нашри хабар бермоқда.
Манбага кўра, мадридликлар бу келишув учун 15 миллион евро талаб қилмоқда ва қўшимча харажатларни ҳисобга олган ҳолда, бу сумма 18 миллион еврогача ошади. "Арсенал" бундай харажатларга тайёр эмас, шу боис улар ижара нархини камайтириш бўйича келишиб олиш ниятида. Ўз навбатида "Манчестер Юнайтед" ҳам Феликсни қўлга киритмоқчи.
23 ёшли Феликс жорий мавсумда барча мусобақаларда 19 та ўйинда 5 та гол урди ва 3 та голли узатмани амалга оширди. Унинг "Атлетико" билан шартномаси 2026 йилда якунига етади.
