"Челси" бош мураббийи Грем Поттерни ишдан бўшатиш хавфи йўқ.
Лондонликлар барча мусобақалардаги сўнгги тўққизта ўйинда олтита мағлубият аламини тотиб кўришди ва ушбу сегмент давомида жамоа Премьер-лига турнир жадвалида ўнинчи ўринга тушиб кетди ва иккала ички кубокдан ҳам чиқиб кетишди.
Мухлислар томонидан ҳалокатли натижалар ва Поттерга нисбатан ишончсизликка қарамай, "Челси" эгалари унинг қобилиятига тўлиқ ишонишади. Журналист Бен Жейкобсга кўра, мураббийни ишдан бўшатиш ҳақида гап-сўзлар йўқ.
"Челси"га тайинланганида, Поттер ўз иш берувчилари билан биринчи қийинчиликда ишдан бўшатилмаслигига келишиб олди. Қолаверса, мутахассис дебют мавсуми якунида Чемпионлар лигасига йўлланма олса, ишдан бўшатилмаслиги керак.
