“Барселона” ва Испания терма жамоасининг собиқ ҳимоячиси, Испания медиа-футбол лигасининг амалдаги президенти Жерар Пике қўшиқчи Шакира билан ажрашишдан аввал испаниялик модел Клара Чиа Марти билан учраша бошлаган, деб хабар беради Page Six.
Эслатиб ўтамиз, Шакира ва Пике 11 йиллик никоҳдан кейин 2022 йилнинг июнь ойида ажралишларини эълон қилган эди. Кейинчалик футболчи ўзининг янги севгилиси - Клара Чиа Марти билан танишди. Бироқ, 2021 йил август ойида Пике Барселонадаги уйидан Twitch платформаси орқали интервью берганида, кадрда Клара пайдо бўлди. Бу вақтда Шакира болалар билан саёҳат қилаётганди.
Манбага кўра, қўшиқчи эр-хотин ҳали ажралмаганида Клара уларнинг уйида бўлганини билиб, қаттиқ сиқилган. 2022 йилнинг декабрида Пике ва Чиа Марти ажрашгани маълум бўлди.
