Журналист Бейн Жейкобснинг ёзишича, Жоау Феликснинг "Атлетико Мадрид"дан "Челси"га ўтиши ҳақида янги тафсилотлар пайдо бўлди.
Лондон клуби португалияликга ижара давомида бутун маошини тўлаб беради. "Кўклар" келишувга 23 ёшли ярим ҳимоячини сотиб олиш бандини ҳам қўшишни хоҳлашди, аммо "Атлетико" бу вариантсиз ижара шартномасини талаб қилмоқда.
Аввалроқ, "Челси" Феликсни мавсум охиригача ижарага олиши маълум бўлганди. Бунинг учун Лондон клуби “матрасчилар”га 11 миллион евро тўлайди.
2022/23 йилги мавсумда Феликс “Атлетико” таркибида 19 та ўйинда майдонга тушиб, 5 та гол урди ва 3 та голли узатмани амалга оширди.
Португалиялик футболчининг Мадрид клуби билан шартномаси 2026 йилнинг ёзига қадар тузилган. Transfermarkt портали футболчининг нархини 50 миллион еврога баҳоламоқда.
