"Челси" қишки трансфер ойнасида жамоанинг ҳужум чизиғини кучайтириш устида ишлашда давом этмоқда.
Daily Express нашрининг The Times нашрига таяниб хабар беришича, "Атлетико" ҳужумчиси Жоау Феликсни ижарага олишдан ташқари, клубда яна бир қанча вариантлар мавжуд.
Улардан бири "Боруссия Мёнхенгладбах" ҳужумчиси Маркус Тюрам бўлиб, унинг шартномаси ёзда тугайди. Агар клублар ўртасида келишувга эришилса, трансфер январь ойида амалга ошиши мумкин.
Лондонликлар ПСВ вингери Нони Мадуэке номзодини ҳам кўриб чиқмоқда. Бош мураббий Грэм Поттер бу трансфер ташаббускорларидан бири.
"Шахтёр" вингери Михайло Мудрик ҳамон рўйхатда, аммо унинг трансфери анча қиммат.
