"Аталанта" ярим ҳимоячиси Тён Копмейнерс "Ливерпуль"га ўтиши мумкинлиги ҳақидаги миш-мишларга изоҳ берди.
"Мен "Ливерпуль" ҳақидаги янгиликларни кўрдим. Буни эшитиш ёқимли. Аммо мен 100 фоиз бор эътиборимни “Аталанта”да ўйнашга қаратганман. Бу ерда ҳамма нарса менга мос келади", - дейди ярим ҳимоячи.
Олдинроқ Италия клуби футболчини 40 миллион евродан камига хайрлашмоқчи эмаслиги ҳақида хабар берилганди.
Копмейнерс жорий мавсум А Серияда “Аталанта” сафида 16 та ўйинда майдонга тушиб, 4 та гол урди ва 3 та голли узатмани амалга оширди. Футболчи Нидерландия терма жамоаси сафида жаҳон чемпионатида ҳам ўйнади ва бешта учрашувда биттадан голли узатма берди.
