"ПСЖ" ҳимоячиси Серхио Рамос футболчилик фаолиятини якунлаган собиқ жамоадоши Гарет Бэйлга мурожаат қилди.
Футболчилар 2013 йилдан 2021 йилгача "Реал"да бирга ўйнашган. Улар биргаликда уч марта Испания чемпионатида ғалаба қозонишди, Испания кубоги ва Суперкубоги соҳибига айланишди, шунингдек, беш марта Чемпионлар лигасида ғалаба қозонишди.
“Гарет, сен билан жуда кўп ажойиб лаҳзаларни баҳам кўриш бахт эди... Сен ортда қанча унвонлар, голлар ва қувончли дақиқаларни қолдирдинг", - деб ёзди Рамос ижтимоий тармоқда.
9 январь куни уэльслик футболчи 33 ёшида фаолиятини якунлашини эълон қилган эди.