Мадриднинг "Реал" клуби бош мураббийи Карло Анчелотти шартномаси якунлангач, эркин агентга айланиши мумкин бўлган ярим ҳимоячи Марко Асенсиони мавсум якунида йўқотишни истамаяпти.
Журналист Марио Кортеханининг ёзишича, футболчининг яқинлари Марко ҳамон "қаймоқранглилар" устози ишончидан баҳраманд эканини айтишган.
Аввалроқ, январь ойида Асенсио ва "Реал" раҳбарияти янги шартнома шартларини муҳокама қилиш учун яна музокара столига ўтириши ҳақида хабарлар тарқалган эди. Бироқ, ҳозирча музокаралар ҳақида ҳеч қандай маълумот йўқ.
Жорий мавсумда Асенсио Испания чемпионатида битта гол урди ва иккита голли узатмани амалга оширди.
