Ўзбекистон терма жамоаси 13 августдаги Иорданияга қарши ўртоқлик учрашуви олдидан «Amman International Stadium» стадионида машғулот ўтказди. Бу ҳақда ЎФФ матбуот хизмати твиттери хабар тарқатди.
"Ўзбекистон миллий терма жамоаси Иорданияга қарши 13 августдаги учрашувда "Joma" бренди остидаги оқ рангли формада майдонга тушади"
"Бугунги жамоа менежерлари мажлисида Ўзбекистон-Иордания учрашувида томонларнинг 6 марта ўйинчи алмаштиришига келишиб олинди".
"«Amman International» стадионида ўтказиладиган Ўзбекистон – Иордания ўртоқлик учрашувини суриялик хакамлар бошқаради", дея хабар бермоқда ЎФФ твиттери.
Эслатиб ўтамиз, Ўзбекистон–Иордания учрашуви «Amman International» стадионида ўтади. Учрашув Тошкент вақти билан тунгги 01:00 да бошланади.
