Криштиану Роналду яқинда "Ан-Наср" жамоаси билан шартнома имзолади.
Саудия Арабистони суверен жамғармаси (PIF) 37 ёшли португалияликнинг бир мавсум учун 200 миллион евро миқдоридаги катта маошини ўз зиммасига олди, дея хабар бермоқда France24.
"Ан-Наср" ва Саудиянинг бошқа клубларида бунчалик пул йўқ. PIF тўловни ўз зиммасига олди", — деди манба.
Эслатиб ўтамиз, Саудия Арабистони суверен жамғармаси 2021 йилнинг кузида Англиянинг "Ньюкасл" клуби томонидан сотиб олинган консорсиум таркибига киради.
Аввалроқ, агар жамоа Чемпионлар лигасига йўл олса, Криштиану Роналду ёзда "Ньюкасл"га ўтиши мумкинлиги ҳақида хабарлар тарқалган эди.
