Ҳужумчи Жоау Феликс тез орада "Атлетико"дан "Челси"га ўтади.
Лондон клуби 23 ёшли португалиялик футболчининг ижара трансфери борасида жорий мавсум охиригача келишиб олди. Маълумотларга кўра, ижара "кўклар"га 11 миллион еврога тушади.
Журналист Бен Жейкобснинг ижтимоий тармоқларда ёзишича, декабрь ойида "Челси" Жоау Феликс вариантидан воз кечган. Вазият сўнгги 48 соат ичида бир нечта ички учрашувлардан сўнг, хусусан, Грэм Поттер иштирокидаги учрашувдан сўнг ўзгарди. Натижада "Челси" "Атлетико"нинг шартларини қабул қилди.
Қайд этилишича, "Челси" Жоау Феликсни сотиб ололмайди. Лондонликлар бу бандни шартномага кирита олмадилар.
