Мадриднинг "Реал" клуби ярим ҳимоячи Лука Модричнинг янги шартнома борасидаги қарорини кутишда давом этмоқда, деб хабар бермоқда The Athletic.
Клубда ишонч бор ва хорватиялик футболчи билан янги шартнома имзолашга тайёр.
Лука бошқа клублардан, жумладан, "Ан-Наср" ва МЛСдан ҳам бир қанча таклифлар олган. 37 ёшли футболчи фаолиятини давом эттириб, яна бир неча йил ўйнашни режалаштирмоқда. Ҳозир у бутун эътиборини "Реал" ва Хорватия терма жамоасига қаратган.
Модрич футболчилик фаолиятидан кейин ҳам футболда қолишни режалаштирмоқда. У ҳали ким бўлиб ишлашни ҳал қилмаган, вариантлар орасида - мураббий ёки спорт директори бор.
