Каталония Олий суди бразилиялик ҳимоячи Дани Алвешга нисбатан жинсий зўравонлик айбловлари бўйича тергов бошланганини тасдиқлади. Бу ҳақда L'Equipe нашри хабар бермоқда.
Аёл Барселонада таътилда бўлган 39 ёшли Дани Алвешни унинг ички кийими остига қўлини қўйганликда айблади. Тахминларга кўра, воқеа 30 декабрь куни содир бўлган. 2 январь куни полицияга расман ариза берилди. Каталония суди футболчига нисбатан иш очган. Футболчи ва унинг атрофидагилар бу айбловларни рад этишмоқда.
Дани Алвеш Мексиканинг "Пумас" жамоасида ўйнайди. Аввалроқ футболчи "Барселона"да ўйнаган. У 2021/2022 йилги мавсумда "кўк-анорранглилар" сафида 15 та ўйин ўтказиб, битта гол ва 3 та голли узатмага муаллифлик қилган.
