"Ювентус" ярим ҳимоячиси Поль Погба жароҳатидан сўнг машғулотларга қайтди, дея хабар беради Турин клуби матбуот хизмати.
“Ювентус” 29 ёшли франциялик футболчининг умумий гуруҳ билан машғулот ўтказаётгани ва машқларни бажараётгани акс этган суратларни эълон қилди.
Ярим ҳимоячи ёзда мавсумолди йиғинда тиззасидан жароҳат олган эди. Погба сентябрь ойида операция қилинган. Октябрь ойида футболчи машғулотларга қайтди, аммо у мушакларидан жароҳат олди, шу сабабли унинг қайтиши номаълум муддатга қолдирилди.
2022/23 йилги мавсумда Погба бирорта ҳам ўйин ўтказмади, шунингдек, Қатардаги жаҳон чемпионатини ҳам ўтказиб юборди.
