Дортмунднинг “Боруссия” клуби ҳужумчиси Себастьян Аллер хавфли ўсимтани олиб ташлаш бўйича жарроҳлик амалиётидан кейин илк бор майдонга тушди.
Футболчи Дюсселдорфнинг “Фортуна” клуби билан ўртоқлик учрашувининг 74-дақиқасида майдонга тушди. Ўйин 5:1 ҳисобида “Боруссия Дортмунд” фойдасига ҳал бўлди. Аллер самарали ҳаракатлар амалга оширмади.
Эслатиб ўтамиз, Аллер 2022 йилнинг ёзида Амстердамнинг "Аякс" клубидан "Боруссия Дортмунд"га ўтган эди. Ҳужумчининг немис клуби билан шартномаси 2026 йилгача мўлжалланган. Трансфердан сўнг, ҳужумчига саратон ташхиси қўйилган. Аллер кимётерапиядан ўтди ва иккита операцияни бошидан ўтказди.
2021/2022 йилги мавсумда форвард “Аякс” сафида 43 та ўйинда қатнашиб, 34 та гол урди ва 9 та голли узатмани амалга оширди.
