"Арсенал" "Шахтёр" вингери Михайло Мудрикни сотиб олишда қийинчиликка дуч келди, деб хабар беради Media Foot Mercato.
22 ёшли украиналик футболчининг трансфери билан боғлиқ вазият "Челси" фойдасига ривожланмоқда.
Шу боис лондонликлар ҳужумни кучайтириш учун муқобил вариантни кўриб чиқишмоқда. "Канонирлар"нинг Б режаси "Реал" вингери Эден Азар.
Лондон жамоаси раҳбарлари ҳатто январь ойида трансфер шартларини билиш учун "Реал" билан боғланишган.
Азарнинг "Реал" билан шартномаси 2024 йилнинг ёзига қадар амал қилади. 2022/23 йилги мавсумда ярим ҳимоячи Мадрид клуби сафида 8 та ўйинда 364 дақиқа майдонга тушиб, 1 та гол урди ва 1 та голли узатмани амалга оширди.
