Инсайдер Фабрицио Романо "Анже" ва Марокаш терма жамоаси ярим ҳимоячиси Аззедин Унаининг "ПСЖ"га ўтиши ҳақидаги миш-мишларни рад этди.
Олдинроқ Унаи мавсумни "Анже"да якунлаб, ёзда "ПСЖ"га ўтиши ҳақида хабарлар тарқалган эди. Бироқ Романонинг фикрича, бу футболчи парижликларнинг режаларида эмас, чунки улар футбол маслаҳатчиси Луиш Кампуш бошчилигида ўз истеъдодларига ишониш стратегиясига амал қилишади.
"ПСЖ" марказий ярим ҳимоячи сифатида клуб академияси битирувчиси 16 ёшли Воррен Заир-Эмеридан фойдаланишни режалаштирмоқда. У яқинда "ПСЖ" тарихидаги энг ёш футболчига айланди.
Эртага, 11 январь куни “ПСЖ” жамоаси Аззедин Унаи бошчилигидаги “Анже” жамоасига қарши баҳс олиб боради. Жамоалар Лига 1да мос равишда биринчи ва охирги ўринларни эгаллаб турибди.
