Уругвай терма жамоаси ЖЧ-2022да гуруҳдан чиқа олмади.
Ганага қарши ўйиндан сўнг уругвайлик футболчилар учрашув бош ҳаками Даниэль Зиберт ишидан норози эканликларини билдиришди. Ҳужумчи Эдинсон Кавани кийиниш хонасига кириб кетаётиб, трибуна остидаги ВАР мониторига зарба берди ва бу ҳолат видеотасвирга тушиб қолди. Бу ҳақда тажрибали футболчи фикр билдирди.
"Агар ВАР мониторини урганим учун жазолансам, биз Жаҳон чемпионатидан чиқиб кетганимиз учун ҳакам қамоққа олиниши керак", - деди Кавани El Pais суҳбатда.
Эслатиб ўтамиз, Уругвай терма жамоаси қўшимча кўрсаткичларда Жанубий Кореяга имкониятни бой бериб, ўз гуруҳида учинчи ўринни эгаллади.
