"Барселона" бош мураббийи Хави Эрнандес ярим ҳимоячи Серхио Бускетснинг жамоа учун аҳамияти ҳақида гапирди.
"Мен учун Бускетс - ажойиб футболчи. У ҳар доим жамоа билан бирга бўлган сардор. Футбол нуқтаи назаридан у мен бу ерга келганимдан бери жамоанинг мувозанатини сақлаб келмоқда. Бу мен учун ниҳоятда муҳим ўйинчи", - деди Хави Marca нашрига.
Эслатиб ўтамиз, Испания терма жамоаси собиқ сардорининг "Барселона" билан шартномаси жорий мавсум охиригача амал қилади. Миш-мишларга кўра, Серхио Бускетс 2008 йилдан буён ўйнаб келаётган ўз жамоасини тарк этиш арафасида.
